Бесән сабыу, салғы (йомаҡтар)

1. Ялт-йолт итә, ялмап китә.
2. Ялт-йолт йылан шыуа килә,
   Йылға ярын емерә килә.
3. Ялт-йолт итте, яр аҫтына кереп китте.
4. Ялт итә лә йолт итә,
   Ете саҡрым ер китә.
   Ялма йылан былай килә,
   Ялт яланды ялай килә.
5. Шыр яланға сыҡтым,
   Айғыр ялын йыҡтым.
6. Йылан шыуа килә,
   Яр емерелә килә.
7. Йым-йым иткән ниҙер ул?
   Ялмап алған ниҙер ул?
   Биле бөк(ө)рө ниҙер ул?
   Яуҙы ҡырған ниҙер ул?
8. Ағын һыу аға килә,
   Текә яр емерелә килә.
   Йөҙө йылтырап бара,
   Ялы йығылып бара.
9. Үлән аҫтында ут йүгерә.
10. Ялт-йолт итә,
    Яҫтыҡ ташлап китә.