Боҙ (йомаҡтар)

Тәҙрә боҙо

1. Әндрәй күҙен аҡ алған.

1. Үҙем — һыу,
   Үҙем һыуҙа йөҙәм.
2. Утта янмай, һыуҙа батмай.
3. Килделәр ағайҙар балтаһыҙ,
   Һалдылар күперҙе таҡтаһыҙ.
4. Көндөҙ ватылған быяла төндә төҙәлә.
5. Балтаһыҙ-көрәкһеҙ күпер һалынды.
6. Аяҡһыҙ-ҡулһыҙ күпер төҙөй.
7. Ҡышын ята таштай,
   Яҙын саба аттай.
8. Көҙ тыуа,
   Яҙ үлә.
9. Буҙ атым баҫма булды,
   Буйҙан буйға таҫма булды.
10. Ҡиммәтле таш түгел — ялтырай.
11. Тышҡа ҡуйҙым — таш булды,
    Өйгә индерҙем — һыу булды.
    Инде ни хәл итәйем,
    Утҡа ҡуйҙым — быу булды.
12. Тышта таш була,
    Өйгә инһә, һыу була.