Бәке менән сәс алыу (йомаҡтар)

  1. Мең баш йылҡыны
    Бер сыбыҡ менән ҡыуҙым.
  2. Мең баш йылҡыны
    Бер сыбыҡ менән әйҙәй.
  3. Ҡара һыйырым тау ялай.
  4. Ҡара урманды бер балта менән ҡырып һалдым.
  5. Тау башында тай тояғы уйнаҡлай.
  6. Таҡыр тауҙа тәкә уйнай.
  7. Бәләкәй генә балта урман ҡыра.
  8. Йылтыр салғы алалар,
    Тау башына баралар,
    Тау бесәнен сабалар.
  9. Бәләкәй генә бер малай
    Ҡара урманды ялай.
  10. Бәләкәй генә мәндәкәй
    Тауҙан ботаҡ шыуҙыра.
  11. Бәләкәй генә бисура
    Тауҙан ағас осора.
  12. Тимер тәкә тау шыуа (яра).
  13. Ялт-йолт итә,
    Ҡара ерҙе аҡ итә.