Бөрйән районы Ғәлиәкбәр ауылы эргәһендәге текә ҡабаҡ

Мөзәй ҡабаҡ йылғаһы — Бөрйән районы Ғәлиәкбәр ауылы эргәһендәге текә ҡабаҡ

ТарихыҮҙгәртергә

Был хәл бик борон булған. Ғәлиәкбәр ауылында бай ғына бер кеше йәшәгән. Уның ике ҡатыны булған. Улар үҙ-ара һыйышмағандар. Байрамбикәнең атаһы быларҙы ҡунаҡҡа саҡырған. Улар Үрге Нөгөшкә барып, өс-дүрт көн ҡунаҡ булғандан һуң, ҡайтырға сыҡҡандар.

Ике көндәш сананың артында ултырып килгәндәр. Ә алда хужа кеше дилбегә тотоп килгән. Уларҙың аттары шәп һәм шаян булған. Бер текә тауҙы төшкәндә, быларҙың аттары алып ҡаса. Шунан файҙаланып, Байрамбикә, бер йыуан ҡайынға сана яҡынлашҡас, Мөзәямалды сананан төртөп осорған. Ҡайынға төкөп, Мөзәямалдың башы ярылып үлгән.

Бына беҙ хәҙер Мөзәй тип йөрөткән тау һәм йылға Мөзәямал исеменән ҡыҫҡартып алынған.(1986 йылда Бөрйән районы Ғәлиәкбәр ауылында йәшәүсе Ғәлиев Сабир Ғәле улынан ҡыҙы Ғәлиева Йәмилә башҡорт теле һәм әҙәбиәте уҡытыусыһы Мөхәмәтов Вәхит Ғибат улы етәкселегендә яҙып килтерҙе).