Генерал торты

Ингредиенттар

Ҡамыр өсөн:

• 500 гр ҡаймаҡ
• 2 стакан шәкәр ҡомо
• 5 йомортҡа
• 1 сәй ҡалағы сода
• 250 гр аҡ май
• Аҡ бойҙай оно
• Сәтләүек онтағы, какао, йөҙөм

Крем өсөн:

• 1 литр һөт
• 1 стакан шәкәр ҡомо

Әҙерләү

Йомортҡаларҙы туғып алғандан һуң, шәкәр, ҡаймаҡ, май ҡушып, соданы ҡатнаштырып, тағы ла туғып алырға кәрәк. Иләнгән ондо яйлап ҡына ҡушып, йомшаҡ ҡына ҡамыр баҫырға. Ҡамырҙы өс өлөшкә бүлеп, бер өлөшөнә йөҙөм, икенсеһенә — сәтләүек, өсөнсөһөнә — какао һалып болғатырға. Әҙер ҡамырҙан өс йәймә бешереп алырға, һыуытырға. Һәр береһенең өҫтөнә крем һөртөп берләштерергә.

Крем әҙерләү өсөн, һөткә шәкәр ҡомон һалып, әкрен утта ҡуйырғансы ҡайнатырға. Һыуынғас, йомшаҡ булһын өсөн, май өҫтәп болғатырға.