Зәйтүн майы
Зәйтүн майы — зәйтүн ағасының емештәренән һығып алынған үҫемлек майы (лат. Olea europaea). Сортына ҡарап, һарғылт төҫтән алып ҡуйы йәшел төҫтә булыуы мөмкин. Тәме әскелт. Эреү температураһы +7 +10 °C. Олеин кислотаһы эфирҙары менән майлы кислоталарҙың триглицеридтары ҡушылмаһынан хасил.
Зәйтүн майы барГреция, Италия һәм Испанияла милли ризыҡ һанала. Бик боронғо замандарҙан бирле ҡорамдар һәм мәсеттәрҙе таҙартыу, шулай уҡ христиан һәм иудей дине йолаларын башҡарғанда ҡулланыла.Рәсәйҙә XIX быуат аҙағынаса уның юғары сорты зәйтүн майы, түбән сорты ағас майы тип йөрөтөлә[1].