Маринадланған помидор

Мәҡәлә «Башҡортостан ҡыҙы» журналында баҫылған, 2012 й.

Өс килограмм помидор, 1,7 литр һыу, бөртөклө ҡара борос, лавр япрағы, 150 грамм шәкәр, 100 грамм тоҙ, 50 миллиграмм 6 процентлы аш һеркәһе талап ителә.

Бер ҙурлыҡтағы һәм тышы ҡалын помидорҙарҙы яҡшылап йыуабыҙ. Бер литрлы банкаларҙың төбөнә 5-6 лавр япрағы, 5-6 бөртөк ҡара борос төшөргәс, помидорҙарҙы тығыҙлап тултырабыҙ. Ҡайнаған һыуға аш һеркәһе, тоҙ, шәкәр һалып ҡайнатабыҙ ҙа банкаларға ҡоябыҙ. Банкаларҙы, өҫтәренә ҡапҡастарын һалып, ҡайнаған һыуҙа 10 минут стерилләйбеҙ. Ябабыҙ.

Альбина ҒӨБӘЙҘУЛЛИНА яҙып алды.