Робинзон кофеһы

Робинзон  кофеһе (тәмле,  шифалы)

Бәпембә  тамырынан  кофене алыштыра алырлыҡ  эсемлек әҙерләп була. Бәпембә  тамырының составында  5 процент аҡһым,  2 процент алма  кислотаһы, 10 процент шәкәр һәм  53 процент  тирәһе инулин бар.  Ҡыҙҙырғанда  инулин шәкәргә тарҡала. 

Бәпембә тамырын буйына ҡырҡалар йәки айыралар һәм киптерәләр. Унан ҡыҙарғансы һәм кетерләгәнсе ҡыҙҙыралар.

Ҡыҙҙырылған бәпембә тамыры татлы була. Уны сәйгә ҡушып эсергә лә була.

Онтаҡ эшләп, кофе урынына ҡулланып була. Сөнки, бәпембә тамырындағы шәкәр ҡыҙҙырғанда карамелгә әйләнә. Эсемлегенә кофе төҫөн һәм тәмен бирә.

Халыҡ медицинаһында бәпембәне йоҡоһоҙлыҡтан ҡулланалар. Шулай уҡ, уны “йәшәү эликсиры” тип һанайҙар. Бәпембә үпкәләрҙе таҙарта, һары ауырыуынан дауалай, ҡан баҫымын кәметә һәм аш һеңдереү процесына ыңғай йоғонто яһай.