Тышы менән бешерелгән картуф: өлгөләр араһындағы айырма

'''''Беренсе ысул'''''- '''көлдә бешерелгән картуф'''. Әҙерләү ысулы: тәүҙә көслө итеп ут яғалар.Ут күмерләнеп көлгә әйләнгәс, эсенә сей картуфтарҙы күмеп ҡуяһың. 45-60 минут эсендә (ҙурлығына ҡарай) картуфтар бешеп сыға. Быны, ғәҙәттә, походта, өмә менән ҡырҙа эш ойошторғанда бешерәләр. Ашар алдынан йәбешкән көлөн ҡоро сепрәк йәки щетка менән һөртөп төшөрәләр. Бындай картуфты тышы менән дә ашап була. Тоҙға төртөп, һары май,ҡаймаҡ, үҫемлек майы йәки һөт ҡушып ашайҙар. Сейләй йәки майҙа ҡыҙҙырылған һуған ҡушып ашарға ла мөмкин.

'''''Икенсе ысул''''' -'''мейескә тәгәрәтелгән картуф'''. Икмәк бешергәндә мейес эсенә ҡырыйлатып картуф һалып сығалар. Хәҙерге ваҡытта духовкала ла бешерәләр.Был ике ысул да, картуфтың бөтә туҡлыҡлы матдәләрен дә һаҡлай. 1 сәғәт эсендә бешеп сыға. Тоҙға төртөп, һары май,ҡаймаҡ, үҫемлек майы йәки һөт ҡушып ашайҙар.Сейләй йәки майҙа ҡыҙҙырылған һуған ҡушып ашарға ла мөмкин.

'''''Өсөнсө ысул'''''- '''һыу эсендә тышы менән бешерелгән картуф'''. Самалап һыуға тоҙ төшөрәләр. Был осраҡта картуф 20 минут тирәһендә бешеп сыға. Самалап тоҙ һалалар.Тик туҡлыҡлы матдәләренең бер өлөшө һыуға сыға. Тышы менән бешергәндәге картуф һыуы дауалау көсөнә эйә. Картуф һыуы бауырға йәки бөйөргә ултырған ташты эретеү һәләтенә эйә. Һары май,ҡаймаҡ, үҫемлек майы йәки һөт ҡушып ашайҙар.Сейләй йәки майҙа ҡыҙҙырылған һуған ҡушып ашарға ла мөмкин.