Ҡаҡ

Ҡаҡ –еләк-емештән әҙерләнә торған аҙыҡ.

Ҡаҡ өсөн ҡайын еләге, шартый, ҡарағат, балан, алма алырға мөмкин. Еләкте йәки емеште ике тапҡыр ит турағыстан үткәреп иҙмә әҙерләйҙәр. Иҙмәне эре иләктән үткәрәләр.

Алдан өҫтөн майлап әҙерләп ҡуйған таҡталарға, батмустарға йоҡа ғына итеп иҙмәне йәйеп сығалар. Ҡояш төшмәгән, ләкин еләҫ ерҙә киптерәләр.Әҙер ҡаҡ ҡоро булырға тейеш. Ләкин һынып торорға тейеш түгел. Йәймәне торба һымаҡ итеп төрәп һаҡлайҙар.