Ҡурмас

Ҡурмас - тын игендән әҙерләнә торған аҙыҡ.

Ғәҙәттә, бойҙай бөртөксәләренән эшләнә.Тәүҙә бойҙайҙы ҡыҙҙырып ҡурмас эшләп алалар. Ҡурмасты табала йәки йәйпәк ҡаҙанда ҡуралар. Өс-дүрт ус бойҙай һалып, ағас ҡалаҡ менән болғап торорға кәрәк. Бөртәксәләр ҡыҙарғас тешләп ҡарайҙар. Тешләгәндә кетерләп, сыртлап ыуалып торһа, ҡурмас өлгөргән була. Дөрөҫ әҙерләнгән ҡурмас хуш еҫле һәм бик тәмле була. Ҡурмас- ниндәй шарттарҙа ла боҙолмай торған әҙер туҡлыҡлы аҙыҡ. Башҡорттар, ғәҙәттә, уны оҙойлы юлға ала торған булған.