Урындыҡ һәм урындыҡ таҡтаһы (йомаҡтар)

1. Ишектән инәләр ҙә
   Миңә менәләр.
2. Өй түрендә хан урыны,
   Хан урыны — ял урыны.
3. Арығандар ҙа миңә менә,
   Асыҡҡандар ҙа миңә килә.
4. Миндә тыуалар,
   Миндә ашай-эсәләр,
   Миндә йоҡлайҙар,
   Миндә үләләр.
5. Оҙон инем, йығылдым,
   Йыуан инем ярылдым,
   Инде ни хәл итәйем —
   Кеше итәген ялайым?
6. Оҙон булдым — киҫтеләр,
   Йыуан булдым — ярҙылар,
   Инде хәҙер нишләйем,
   Кеше итәген ялайым?