Әтәс (йомаҡтар)

Әтәс ҡысҡырыуы, таң атыу

1. Баҙҙа баҡа ҡысҡыра,
   Тауҙа таҡта ярыла.

1. Шау, шау, шау ҡамыш,
   Шау ҡамыштың араһында
   Алтын башлы бер ҡамыш.
2. Башы — тараҡ,
   Ҡойроғо — ураҡ.
3. Баш өҫтөндә тарағы,
   Тәпәйендә һәнәге.
   Шуны табығыҙ, йә әле!
   (Нимә була? Әйт әле.)
4. Тарағы бар — сәсен тарамай,
   Урағы бар — иген ура алмай.
5. Сәғәтһеҙ ҙә ваҡытты әйтә.
6. Уҡталы ла суҡталы,
   Башы йәшел нуҡталы.
   Баш өҫтөндә тарағы,
   Тәпәйендә һәнәге,
   Шуны табығыҙ, йә әле!
7. Ауыҙы бар — һөйәктән,
   Ит һаҡалы — эйәктән.
8. Үҙе хан нәҫеленән дә түгел —
   Йөрөй таж кейеп.
   Үҙе ҡараҡ та түгел —
   Аяғы ҡайыш менән бәйләнгән.
9. Ҡаҙандан килгән бер монтоҡ,
   Уның башы һалпыҡ;
   Ах, уның юртышы,
   Арт һанының ҡыртышы.
10. Мин ни күрҙем, ни күрҙем,
    Ит һаҡаллы ҡарт күрҙем.