Өйрә — ярманан бешерелә торған аш.

Ғәҙәттә, башҡорттар бындай ашты йәйге ваҡытта, иткә ҡытлыҡ булғаныраҡ осорҙа бешергән. Элек-электән бындай аш тары ярмаһынан бешерелгән. Шулай уҡ дөгөнән, арпанан, һолонан, ҡарабойҙайҙан да бешерелергә мөмкин. Бындай ашты һөт йәки ҡаймаҡ менән тәмләйҙәр. Бер өлөш ярмаға өс өлөш һыу ҡушыла. Һөт һәм ҡаймаҡ тәменә ҡарап самалап алына.