Өйҙә яһалған сыр
Өйҙә яһалған сыр
Йәй көнө һөт мул саҡта айыртылған һөттән тәмле итеп ауыл эремсеге, сыр эшләргә була. Берҙән, осһоҙ, икенсенән яҡтан, файҙалы ла була.
Ингредиенттары
үҙгәртергә- 1 кг эремсек
- 1 литр һөт (айыртылған һөт булһа ла ярай)
- 2 йомортҡа
- 100 г аҡ май (маргарин)
- 1 балғалаҡ сода
- 2 балғалаҡ тоҙ
- Тәменсә борос
- Әҙерәк укроп
Әҙерләү
үҙгәртергәЭремсекте айыртылған һөткә һалып, йәшкелт һыуы айырылып сыҡҡансы, һүрән генә утта йылытабыҙ.
Шунан селтәр сүмескә йәки марля тоҡсайға һалып, эремсектең һыуын тулыһынса һарҡытып бөтөрөргә кәрәк. Бының өсөн ауыр гер менән баҫтырып ҡуйырға ла мөмкин.
Хәҙер яҡшылап һарҡыған йылы эремсектең өҫтөнә май һалып эретергә. Уға тоҙ, сәй содаһы, йомортҡа һытып ҡушып, яҡшылып болғатырға, ҡул менән төйөрҙәре бөткәнсе тасҡарға. Тәм өсөн ваҡ ҡына итеп туралған укроп өҫтәп ебәрергә мөмкин.
Аҙаҡ был ҡатнашма һалынған һауытты һыулы кәстрүлгә ултыртып, болғата-болғата, сыр итеп һуҙыла башлағансы, һүрән генә утта тоторға. Һыулы кәстрүл булмаһа, һауыттың үҙен генә утҡа ҡуйырға була, тик был осраҡта сыр массаһы һауыттың ситтәренә йәбешеп ыҙалата.
Сыр әҙер булғас, алдан майлап әҙерләп ҡуйған һауыттарға, формаларға тултырырға һәм, бер аҙ һүрелгәс, һыуытҡысҡа ҡуйырға кәрәк.