Эремсектән пирог

Әҙерләү ысулы

Иң тәүҙә ҡамыр баҫырға. Онға разрыхлитель һалып, май менән ыуырға. Уның өҫтөнә шәкәр менән туғылған йомортҡа өҫтәп, ҡамыр баҫырға ла, ярты сәғәткә һыуытҡысҡа ҡуйып торорға. Унан һуң эслек әҙерләргә. Эремсеккә өс йомортҡа, ярты стакан шәкәр, ҡаймаҡ һалып, блендер менән болғатырға. Суфле әҙерләгәндә өс йомортҡа ағына аҙ-аҙлап шәкәр ҡомо һалып, уны ап-аҡ төҫкә ингәнсе күпертергә.

Һыуытҡыстағы ҡамырҙы алып, табаға эслек ағып сыҡмаҫлыҡ формаға килтереп йәйергә. Өҫтөнә эремсек һалып, 180 градусҡа тиклем ҡыҙҙырылған мейескә ярты сәғәткә бешерергә ҡуйырға. Һуңынан өҫтөнә суфле һылап, тағы 15 минут бешерергә. Духовканы һүндергәс, ишеген асып ҡуйырға, пирогты алмаҫҡа: ул шунда һыуынырға тейеш. Ярты сәғәттән өҫтөндә тамсылар барлыҡҡа киләсәк. [1]

Ингредиенттар

Ҡамыр өсөн

• 1 стакан он,
• бер ҡалаҡ разрыхлитель,
• 80 г аҡ май,
• 2 ҡалаҡ шәкәр ҡомо,
• 1 йомортҡа.

Эслек өсөн

• 500 г эремсек,
• 100 г ҡаймаҡ,
• 3 йомортҡа,
• 1 ҡалаҡ манный ярмаһы,
• 0,5 стакан шәкәр ҡомо.

Суфле өсөн

• 3 йомортҡа ағы,
• 3 ҡалаҡ шәкәр ҡомо.

Һылтанмалар

• Аш-һыу: Эремсектән пирог. Ишембай ҡалаһы һәм районының ижтимағи-сәйәси гәзите «Торатау». Рәсми сайт