Йыйырсыҡтарға ҡаршы һуғандан битлек
Һуғандан битлек
Иң тәүҙә биттең тиреһен бик яҡшы итеп таҙартырға кәрәк. Һуғанды ваҡ ҡырғыстан үткәреп, һутын һығырға. Ҙур булмаған бер киҫәк балауыҙҙы иретеп, ике ҡалаҡ һуған һуты һәм бер ҡалаҡ бал ҡушырға. Яҡшы итеп бутап, йылы килеш биткә һөртөргә.
15 – 20 минуттан һуң мамыҡты һыулап йәки үлән төнәтмәһенә манып алып, битлекте һөртөп алырға. Бындай битлекте өс айға бер тапҡыр 10 – 12-шәр тапҡыр эшләргә. Тире майлы булғанда, битлеккә – йомортҡаның ағын, ҡоро булғанда һарыһын ҡушырға ярай. Битлек күҙҙе әсетмәһен өсөн уларҙы ромашка төнәтмәһенә йә ҡаты сәйгә манып алынған мамыҡ менән ҡапларға мөмкин.