Башҡорт теле/Һүҙлектәр/Ислам/И

-- А Б В Г Ғ Д Ҙ Е Ё Ж З И Й К Ҡ Л М Н Ң О Ө П Р С Ҫ Т У Ү Ф Х Һ Ц Ч Ш Щ Ъ Ы Ь Э Ә Ю Я --

Иблис — Аллаға буйһонмағаны өсөн ҡәһәрләнеп, Күктән Ергә һөрөлгән һәм кешеләрҙе аҙҙырыу менән шөғөлләнеүсе элекке фәрештә, шайтандар башлығы. Алла янында фәрештә сағындағы исеме Ғазазил.
Ибраһим — бәйғәмбәр, христиандарҙа Авраам.
Иҙрис — бәйғәмбәр.
Илаһ — табына, ғибәҙәт ҡыла торған зат, әйбер, нәмә.
Ильяс — бәйғәмбәр, христиандарҙа Илья.
Ильясиғин — бәйғәмбәр, христиандарҙа Елисей.
Иншалла — «Әгәр Алла теләһә».
Иман — Аллаға, бәйғәмбәргә, диндең төп нигеҙҙәренә ышаныу.
Имам — кешеләрҙе үҙенә эйәртеп намаҙ уҡытыусы; өммәт, мәхәллә башлығы, юлбашсы.
Иңдереү — Күктән бойоролоп күңелгә һеңдерелеү.
Исмәғил — бәйғәмбәр, христиандарҙа Исмаил.
Исраил — Яҡуп бәйғәмбәрҙең икенсе исеме һәм унан таралған йәһүттәр нәҫеле.
Исраф — сиктән уҙыу; малды кәрәкһеҙгә, юҡҡа тотоноу, әрәм-шәрәм итеү.
Исхаҡ — бәйғәмбәр, Ибраһим бәйғәмбәрҙең уариҫы, христиандарҙа Исаак.
Ихрам бәйләү, кейеү, ихрамда булыу — хаж уаҡытында изге ергә инер алдынан кейелә торған кейем. Ике аҡ таҙа туҡыманан тороп, уларға энә тейергә тейеш түгел; бер киҫәге муйынға һәм иңбашҡә һалына, икенсеһе менән бил быуалар.