Башҡорт теле/Һүҙлектәр/Ислам/М

  • Малик — эйә, хужа; бында: тамуҡ утының һаҡсыһы.
  • Манат — Исламға тиклем ғәрәптәр табынған илаһ исеме.
  • Манна — рәхмәт, бүләк, йомартлыҡ, изгелек, бал ысығы.
  • Махау ауырыуы — йоғошло тире ауырыуы, лепра.
  • Миннәт — бында: изгелек, яҡшылыҡ, рәхмәт, бүләк.
  • Мисек — хуш еҫле матдә, мускус.
  • Михрап — ғибәҙәт ҡылыу урыны, мәсеттәге Ҡәғбә йүнәлешен күрһәтеүсе уйым.
  • Монафиҡ — ике йөҙлө кеше.
  • Мосолман — Ислам динендәге кеше, ислам динен тотоусы, Аллаға иман килтергән, бирелгән, буйһонған кеше.
  • Мөбәрәк — бәрәкәтләнгән, фатихаланған, бәхетле, хуш.
  • Мөртәт — үҙ диненә хыянат иткән, башҡа дингә күскән, үҙ диненән уаз кискән кеше, һатлыҡ йән.
  • Мөхәммәт (Мехәммәт бине Ғабдулла бине Ғабделмотталиб әл-һашими, йәшәгән йылдары 570—632) — ғәрәп донъяһының дин һәм дәүләт эшмәкәре, Ислам диненә нигеҙ һалыусы, рәсүл, иң һуңғы бәйғәмбәр.
  • Мөһәжир — Мөхәммәт бәйғәмбәр менән бергә Мәккәнән Мәҙинәгә күсеп килгән мосолмандар.
  • Мөшрик — күп илаһтарға, һындарға (боттарға) табыныусы.
  • Мөьмин — динле, дин тотоусы, мосолман, Аллаға иман килтергән кеше.
  • Муса — бәйғәмбәр, христиандарҙа Моисей.
  • Мәғрип — көнбайыш.
  • Мәғрәм — штраф, зыян, отолоу, бурыс, аҡса бурысы.
  • Мәғшәр — бында: йыйылыу, күмәк халыҡ, йәмғиәт.
  • Мәдйән — Шөғәйеп бәйғәмбәрҙең халҡы, Әл-Әйкә.
  • Мәҙһәб — диндә тотҡан юл, йүнәлеш.
  • Мәйсир — боронғо ғәрәптәрҙә отош уйыны.
  • Мәжнүн — енләнгән, йүләрләнгән, аҡылдан яҙған, ен эйәләшкән кеше.
  • Мәжүсилек — күп илаһҡа табыныу.
  • Мәшриҡ — көнсығыш.